உலகில் ஒருவரைப்பற்றி மிக அதிகமாக புரிந்தவர் ஒருவர் இருக்கிறார் என்றால் , அது அந்த "ஒருவரே" அன்றி மற்றவர்கள் எவரும் இல்லை.

ஒவ்வொரு மனிதனும் அவரவர் பிரச்சனைகளை எதிர்கொள்ள வல்லமையுள்ளவர்கள். அவ்வலிமையினை மேலும் பலப்படுத்துவதே உளவியல் ஆலோசனையின் குறிக்கோள்.

பிரச்சனைகள் என்பவை குறிப்பிட்ட ஒருவருடையவை.ஆகவே , தீர்வுகள் என்பவையும் அந்த குறிப்பிட்ட ஒருவருடையதே.

பலர் தங்களின் பிரச்சனைகளைக்கூறி அவற்றிற்கு தீர்வு சொல்ல முடியுமா ? என உங்களிடம் கேட்கலாம். அவ்வாறு தீர்வு சொல்வது உளவியல் ஆலோசனை அல்ல. உளவியல் ஆலோசனை என்பது ஒரு கலந்துரையாடலைப்போன்றது.

ஆலோசனை பெறுபவர் தன் வாழ்வை மேலும் சிறப்பாக வாழ,  தன் பிரச்சனைகளை தானே தீர்த்துக்கொள்ளவும், வரப்போகும் பிரச்சனைகளை கையாள அல்லது தடுக்க , தங்களை மேம்படுத்திக்கொள்ளவும் செய்யப்படும் உளவியல் பூர்வமான உதவியையே உளவியல் ஆலோசனை என்கிறோம்.