الموقع الالكترونى زى صفحة الفيس بس الموقع مميز عنه بحاجات كتير اهمها

الفيس شغال بنظام الدفع push لكن الموقع الالكترونى شغال بنظام السحب pull يعنى انت ع الويب سيت مش محتاج تعمل كل شويه اعلان عن كل مشروع يكفيك انك تتصدر مواقع البحث وده من خلال seo او تهيئة محركات البحث بالمعنى ان شغلك يبقى مميز وهنتكلم تفصيلا عن الموضوه ده من خلال الكورس

ودى مش بس الميزة الوحيده عندك مميزات كتير اهمها

بيوفر للعميل بيانات تفصيليه عن البراند بتاعك وعن مشروعاتك اللى شغال عليها وبالتالى اسلوب العرض كل ما بقى مميز كل ما هيشد العميل اكتر واكتر

كمان الفائده انك تقدر تتبع تحركات العميل ع الموقع وده هيوفرلك بيانات اكتر عن تحليلات العملاء

وبرضو قناه تقدر من خلالها تعمل عليها اعلانات جوجل زى ما قولنا قبل كده فى الجزء الثالث

كمان تقدر من خلال الويب سايت تظهر اقتراحات للعميل عن المشروعات او الخدمات سواء تلقائى او من خلال محرك البحث داخل الموقع

وكمان تقدر تبنى فورمات او اسمارات الكترونيه علشان العميل من خلالها يقدر يتواصل معاك او يطلب وحدات معينه حسب اجتياجاته